🏁🔴🏁🔴🏁🏁🔴🏁🔴🏁🔴
*🥀 Sawaneh Taajhu Shariah 🥀*
Post:-24
*Aaili Zindagi*
*🌹Shahzada E Taajhushariah Hazrat Allama Maulana Muhammad Asjad Raza Sahab*
✏️Aapke Eklote Sahabzade Aur Jansheen Hai Aur Boht Si Khubiyo Ke Malik Hai Aur Boht Se Deeni Umoor Me Sargam Rahte Hai. Lihaja Maulana Ka Qadr E Tafsil Se Zikr Kia Jata Hai.
Maulana Asjad Raza Ki Wiladat 14/Shaban Ul Muazam H1390/1970 Ko Muhalla Khawaja Qutub Bareli Me Hui. Huzur Taajhushariah Ke Yaha Pehli Wiladat Thi, Khandan Walo Bilkhusus Mufti E Azam Hin Allairahma Ko Beintehai Khushi Hui. Tashrif Laye Aur Apna Luhaab Dehan Nau Maulood Ke Muh Me Dala Aur Usi Mauqa Par Nau Maulud Ke Muh Me Ungali Dakhil Karke Dakhil E Silsila Bhi Kar Liya. Is Naumaulood Ka Naam "Muhammad" Rakha Gaya.
Aur Pukarne Ke Liye "Munwar Raza Muhaamad" Tajwiz Huwa. Aur Urfiyat Muhammad Asjad Raza Qarar Payi Isi Urfiyat Se Maulana Asjad Raza Sahab Maruf Hue.
Walidain Ke Zair Saya Tarbiyat Payi. Muhammad Nam Par Shandaar Aqiqa Huwa Jab Aap 4/Saal 4/Mah 4/Din Ke Hue To Tasmiyah Khawani Ka Shandar Ahtmaam Huwa. Huzur Mufti E Azam Allairehma Ne Tasmiyah Padai. Aur Alim Banane Ki Aur Deen E Islam Ke Khadim Banane Ki Dua Ki. Ibtedayi Talim Walida Majida Aur Walid Majid Se Li. Shaur Balig Hone Ke Bad Islamiyah Inter College ,Bareli Me Dakhil Kiye Gaye Asriyaat Ki Talim Inter Tak Wahan Mukmal Ki Aur Deeniyat Ki Talim Jamia Nooriyah , Bareli Aur Markaz Darul Ifta ,Bareli Se Mukmal Ki. Deeniyat KI Ibtedai Aksar Kitabein Mufti Muhamma Najim Ali Bara Bankawi Aur Hazrat Maulana Nijaamudeen Sahab Se Padi.
Matusa'taat Ki Tahsil Hazrat Mufti Muzafaar Husain Kathari Aur Jamiah Nooriyah, Bareli Se Istaza Se Ki Aur Ala Kitabein Sadr Ul Ulma Hazrat Allama Tahsin Raza Allairehma Aur Walid Majid Se Padi. Aapne Deeniyat Ki Zayda Tar Kitabein Apne Mamu Hazrat Sadrul Ulmma Ke Pass Padi Aur Bukhari Sharif,Tahawi Sharif, Muslim Sharif,Al Ashabh Ul Najaar,Maqamat Hariri, Ajal Ul 'Alam, Aqud Rasm Ul Mufti, Fawatah Ul Rehmat, Tauqiyat Wagera Kutub Walid Se Padi.
2001 Me Bamauqa Urs E Razvi Jamia Azhar, Bareli Ke Sehan Me Hazrat Mumtaz Ul Fuqah,Mohdeesh E Kabeer Zia Ul Mustafa Ne Khatam Bukhari Karayi. Aur Beshumar Ulma Wa Masaikh Ki Maujudagi Me Dastaar Fazilat Sar Par Bandhi Gayi.
2003 Me Shehazada E Taajhushariah Ne Raza'at Se Mutliq Fatawa Likha, Jis Par Ustaz Ul Fuqah Hazrat Allama Mufti Qazi Muhammad Abdul Rahim Bastawi Allairehma Aur Mufti Najim Ali Bara Bankawi, Mufti Muzafaar Husain Katihari Aur Walid Majid Taajhushariah Hazrat Mufti Muhammad Akhtar Raza Azhari Allairehma Aur Raqim Ul Satur Muhamad Yunas Raza Ne Tasdiq Ki Aur Hazrat Ne Is Mauqa Se Mithai Magwa Kar Hazirin Me Taqim Bhi Karwayi.
Galiban 2006 Me Bamauqa Urs E Razvi Imaam Ahmad Raza Conference ,Jamia Tur Raza Bareli Me Hazrat Ne Silsila Qadriyah Ki Ijazat Wa Khilaafat Ata Ki Aur Apna Janasheen Namazad Kia.
2013 Me Hazrat Ne Tamam Ijazatein Bhi Tafwiz Kar Diye Jo Unhe Apne Mashaikh Bilkhusus Mufti E Azam Hind Se Mii Thi.
2007 Me Maulana Ne Walid Majid Ki Maujudagi Me Mishkaat Sharif Ka Jamia Tur Raza Me Taqriban Sawa Gante Dars Dia Jiski Walid Majid Ne Tahsin Farmayi Aur Hazirin Se Mubarakbad Wasul Ki.
*👉Post Lambi Ho Rahi Hai Isliye Baki Agli Post Me*
*⏳JARI*
👑👑👑👑👑👑👑👑👑👑
*🏁 MASLAKE AALA HAZRAT 🔴*
https://chat.whatsapp.com/BlTnmJKrHakLQ0Y3Q9Q1KC
टिप्पणियाँ
एक टिप्पणी भेजें